Бұл стандартты операциялық рәсім (СОР) терең гипотермия және қанайналымның тоқтатылуымен жасанды қанайналымды (DHCA) орындау алгоритмін регламенттейді. Құжат ересектер мен балаларға арналған кардиохирургиялық операциялар кезінде қауіпсіздік, мониторинг және перфузиялық басқарудың ең төменгі стандарттарын белгілейді.

Құжат жасанды қан айналымын жүргізудің кезеңдік алгоритмін, соның ішінде гепаринизация, перфузияны бастау, мониторинг және миокардты қорғау қағидаларын регламенттейді. Алгоритмде перфузат құрамын дайындау, температуралық режимдер (нормо-, гипотермия), кардиоплегия түрлері және олардың енгізу тәртібі нақты сипатталған.

Құжат LVAD (сол жақ қарыншаны механикалық қолдау жүйесі) имплантациясы кезінде жасанды қанайналымды жүргізудің стандартталған алгоритмін белгілейді. Онда перфузияны ұйымдастыру, гемодинамикалық мониторинг, температуралық режимді басқару және антикоагуляцияны бақылау талаптары анықталған. 

Бұл құжат операция немесе жарақат кезінде қан жоғалтуды өтеу мақсатында аутологиялық қанды қайтару жүйесі – Cell Saver аппаратын қолдану тәртібін регламенттейді. Рәсімде аппаратты дайындау, іске қосу, жұмыс режимдерін бақылау және қауіпсіздік талаптарын сақтау кезеңдері нақты көрсетілген

Бұл құжат перфузия барысында туындауы мүмкін шұғыл жағдайларды және оларды жоюға арналған кезеңдік әрекеттер алгоритмін сипаттайды. Онда жаппай ауа эмболиясы, оксигенатордың істен шығуы, метгемоглобинемия және қатерлі гипертермия сияқты асқынулар кезінде қауіпсіз және жедел көмек көрсету шаралары регламенттелген.

Бұл құжат жасанды қанайналым барысында оксигенатордың кенеттен істен шығуы кезінде атқарылатын диагностикалық және шұғыл әрекеттер тізбегін сипаттайды. Алгоритм оксигенаторды қауіпсіз ауыстыру, жүйені деаэрациялау және перфузияны қысқа уақыт ішінде қайта бастау тәртібін регламенттейді.